नेपाली डान्स मिनिस्टर २०८१ का विजेता विद्यार्थीहरूलाई इडन स्कुलको सम्मान

मङ्सिर ११
पारु न्यौपाने,बुटवल
प्रदेश स्तरिय डान्स रियालिटि शो नेपाली डान्स मिनिस्टर २०८१ का विजेता विद्यार्थीहरुलाई इडन स्कुल नहरपुर बुटवलले विद्यालयमा एक कार्यक्रमको आयोजना गरी सम्मान गरेको छ । विद्यालयका प्राचार्य शिवहरि भट्टराईको अध्यक्षता जनप्रतिनिधि एवम विद्यालयका अध्यक्ष नकुल शाहि ठकुरी को प्रमुख आतिथ्य मा आयोजित कार्यक्रममा उपाधि विजेता सृष्टि कुवँर सहित उत्कृष्ट बिद्यार्थी र अभिभावकहरुलाई प्रमाणपत्र सहित सम्मान गरिएको हो । छम छमी इन्टरटेन्टमेन्ट प्रालि को आयोजानामा भएको शो को उपाधि इडन स्कुलमा कक्षा चारमा अध्ययन रत सृष्टि कुवर ले हात पार्दै स्कुटीसहित रु एक लाख नगद प्राप्त गर्नुभएको थियो । त्यस्तै कक्षा सात कि छात्रा शाहिस्ता शाहिले बेस्ट डान्सर तथा कक्षा सात कै अर्कि छात्रा शाहिस्मा श्रेष्ठ ले छौठौ स्थान प्राप्त गर्नु भएको थियो । प्रमुख अतिथि शाहिले सम्मानित विद्यार्थीलाई बधाइ तथा शुभकामना दिँदै औपचारिक शिक्षा सङ्गै अन्य विधामा पनि बालबालिका लाइ प्रोत्साह गर्दै लौजानु पर्नेमा जोड दिनुभयो । कार्यक्रमका अध्यक्ष भट्टराइले विद्यालय सदैव विद्यार्थीको साथमा रहेको र विद्यार्थीका अन्तरनिहित प्रतिभा पहिचान गरि सोहि अनुरुपका कार्यक्रममा सहभागी गराउदै आएको उल्लेख गर्नु भयो । साथै सम्मानित बिधार्थिले व्यत्तिगत मात्र नभै अभिभावक एवम विधालयको नाम समेत राख्न सफल भएकोमा धन्यवाद ज्ञापन गर्नुभयो । कार्यक्रमको सन्चालन विधालयका उप प्राचार्य जगत पौडेल ले गर्नुभएको थियो ।